|
|
مواقع في قسم : 14
المواقع الظاهرة: 1-14 |
|
|
واحد الراجل سكران مشا عند البقال و قاله اعطيني بوطاغاز جاوبوالبقال قاله و الخاوي ؟؟؟ رد عليه السكيري :غادي نشربها هنا.
============================== ==================
واحد كايقولوا ليه الحاج شلاظة .غضب من السمية.. مشا هاجر شي 30 عام باش انساو... رجع هوا يشوفوا واحد سكيري قديم تع الحارة.. قال ليه واش نتا هوا الحاج بصلة اولا مطيشة اولا خص... جاوبو الحاج قال ليه تخلطها نخلط مك مع القراعي .
============================== ==================
جوج حشايشية كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هاهواواحد منهم جاي
============================== ==================
هدا واحد سكران مشى عند درية أ سولها أشنو سميتك
قالت ليه fati fleur (فاطمة الزهراء)
قالت ليه أ انت
قال ليها le pere de vendredi (بوجمعة )
============================== ==================
قال لك هدا وحد سكيري قال يا رب ندير يدي في جيبي نلقى 20 درهم مني قلب جيبو لقاه متقوب و هو
يقول صافي يمكن طاحت
============================== ==================
واحد راسو كبير ديما واحدسكران كايقول ليه ناري كون كنتي ملك.ديما.. ديما .. واحد نهار شدو قال
ليه اش غايطرا كون كنت ملك.. قال ليه الدرهم غاتكون قد الصينية هههههه
============================== ==================
هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش
============================== ==================
هدا وحد السبيطار ديال الحماق ديما إاى جا الطبيب فاصباح كايلقا شي حماق فواحد البيت مضروبين كولهوم فجبها ديالهوم إلا 1 واحد المرة دارو ليهوم الكاميرا ملّي جاو الغد ليه خدمو لكاسيطا ل تسجلات لقو هاداك لي مامضروب كيرسم ليهوم 1 الخط فالأرض أو كايقول ليهوم لي داز تحت هاد الخط نعطيه 200درهم
============================== ==================
مشى سكيري عند صيدلي و قال له "عندك نعناع" جوبوالصيدلي "لا"
رجع بعد ساعةوسولو عندك نعناع قال الصيدلي "لا هذه صيدلية وماتنبيع النعناع"
رجع مرة ثالثة و رابعة و دائما تيسأل على النعناع....خاف الصيدلي ومشى اشر ى نعناع من السوق و لما رجع السكايري يسول علىالنعناع مرة أخرى قال "ليه عندك نعناع" قال الصيدلي "نعم عندي نعناع" {{وجاوبو سكيري محاااال واش إتمشا ليك النعناع فالفرمسيان".
فكاهة |
تقاطعات: 234
| أضاف: zaza
| التاريخ: 2013-05-01
|
|
هادا واحد سكران حرق الضو الحمر
وقفو البوليسي وقال ليه: آ سي راك دزتي ف الضو الحمر
قال ليه السكران: وماشي شي حمورية نيت
************************************************
سكران حيد جلابة
كالك هدا واحد سكران دخل لدار حيد الجلابة و علقها.....
وداز شوية و طاحت و هو يقول ههه حمد الله مكنتش فيها
*******************************************
واحد محشش شاف واحد البنت رقيقة بزاف
سولها: فاش خدامة؟قالت ليه: عارضة
قال ليها: ف إينا ملعب؟
*******************************************
هادو جوج سكرانينواحد عطس، ولاخور كحب
الأول قال للتاني: علاش كتبدل الموضوع؟
**********************************************
واحد سكران جالس ف القسم، كل شوية كيضحك
ف التالي ضحك واحد الضحكة بالجهد قال ليه المعلم: نتا مالك واش تسطيتي؟
قال ليه السكران: راه كنت كنعاود لراسي النكت، واخر وحدة أول مرة نسمعها
فكاهة |
تقاطعات: 210
| أضاف: zaza
| التاريخ: 2013-05-01
|
- دير ما دار جارك ولا حول باب دارك.- الدوام تيهرس الرخام. - الخُبْز والمَا مَا تْخَلِّي عَلَى القَلْبْ غمَّه.
- دارنا ساترة عوارنا.
- السلطان بالتاج و كيحتاج.
- اللي عضو الحنش كيخاف من الحبل.
- ختار الجار قبل الدار. - - اللي قال ليك قال عليك.- جا يكحلها عماها.- على قد لحافك مد رجليك.- عين بنادم مايعمرها غي التراب.- سال المجرب ماتسال الطبيب.- شكون يحك القرع غي ظفارو.- عشرة د ليهود على قنفود ومادبحوه .
- اللي مشى بلا عراضة يجلس بلا فراش.
- لمكسي بديال الناس عريان . - عند رخصو تخلي نصو.- اللي سبقك بليلة سبقك بحيلة.
|
مبعيدة غير تادلة اما سبع حمير موجودة.· لي ضروا رسوا, اعاود لرسوا.· الكلب الى ما نبح ماعند مولاه فيه ربح.· حزموني ورزموني ولا تعولو عليا.· الى تقادو لكتاف يعود الكبير يخاف.· اللي تيشطح ما تيغطيش وجهو.*
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.
*
كل قرد في عين مو غزال.
*
الرجل بالهمة أما اللحية راها حتى عند العتروس.
*
هبيل تزوج هبيلة وتهنات القبيلة.
*
حتى زين ما خطاتو لولا.
*
العتبة مجرودة والركاني بالدودة.
*
لو كان الحمام تيبيض كون بيض قبابو.
*الزين تيحشم على زينو والخايب الا هداه الله.
*اللي تسحر مع دراري يصبح فاطر.(لفياقة) بكري بالذهب مشري.
- لحوانت متصافه و الارزاق مختلفة .
- باش تاكل الشوك أ عمي الجمل, باللسان لحلو.
- لعروسه فوق الكرسي معرفتي فين ترسي. - لوجه المشروك عمر ما يصف.
- الجديد جديد و لبالي لا تفرط فيه.
|
|
· ما كينسي البنت في امها غير همها.
· حل عينيك قبل الزواج, أما بعدو غير غمضهوم.
· الهم المنحوس, خليتو فدار با لقيتو فدار العروس.
· اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
· دِيرْ عِينْ شَافَتْ وَعِينْ مَا شِافْتْ.
· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
· أش خاصك العريان الخواتم آمولاي.
· الشطابا أعروسا والجفاف أنفيسة.
· ما نعطيوش خيرنا لغيرنا.
· زواج ليلة تدبيره عام.
· تا تطلب الزيت من السفناج.
· الفقيه اللي نتسناو براكته ادخل للجامع ببلغته.
· اربط احمارك مع الحمير، يتعلم الشهيق والنهيق وخرجان الطريق.
· إيلا ارخص الشعير اغلات الحمير.
· الحمار مخبي ووذنيه برّا.
· اجيو تعلمو الحسانه في روس اليتامه.
· طاجين الشمايت، النصبا وقلة ليدام.
· احمر يا المشكورة، دبحو الجرو وصلاو على الهيدورة.
· اللي ضرقك بخيط ضرقو بحيط.
· اللي اطيبو المعفونة ياكلو رجلها.
· الي دار راسوا قي النخالة ينقبوه الدجاج.
النكت والأمثال |
تقاطعات: 225
| أضاف: samir zaza
| التاريخ: 2013-05-01
|
|
· لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
· الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
· حماتي لالتي و بنتها مولاتي.
· حماتي و جه الدلو, هي حارة و ولدها حلو.
· كثرة عطيني ما تخلي حد يبغيني.
· دخل ياكل الفريك أصبح معانا شريك..
· اخدم يا صغري على كبري..
· اخدم بكري ولا روح تكري.
· خبز الدار ياكلو البراني.
· دخلناهم يشربوا الرايب قالوا حقنا فالزرايب.
· دوام الحال من المحال.
· الدنيا دراعة كل واحد كيلبسها ساعة.
· نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
· الزين, الا زين الفعال.
· وجه الشارفة ما يخفى, ولو تحكو بالحلفة.
· اللي مدت يدها للحنة, تمدها كلها.
· الزين في بناتنا سلالة, من العمة للخالة.
· امدح صاحبك مع الناس, و لومو الراس فالراس.
· لو كان الصفيحة ترد العار, لو كانت رداتو على الحمار.
· كون أزماني حرش, و ها وجهي بوس و طرش.
· تفكر حبيبك و هواه, تفكر فعايلو و نساه.
· العشق المزروب, كله عيوب.
النكت والأمثال |
تقاطعات: 215
| أضاف: samir zaza
| التاريخ: 2013-05-01
|
|
· لالا زينة و زادها نور الحمام.
· تيبيع القرد و تيضحك على اللي شراه.
· ما حد ليتيمة تتبكي, و ربي تيزيدها.
· اللي بغى الزين, يصبر لتقيب لودنين.
· ما عند القرعة ما ترعى من غير مشيط راسها.
· كون تصحابها تكتاب, من دق الباب.
· شكارت العروسة مها, خالتها و الحزارة جارتها.
· عطاونا ثلث كواش, منهم غطا و كواش.
· الشوف ما يبرد الجوف, والناقة ما ترضع الخروف.
· الحرفة الى ما غنات تستر, أو واقيلا تزيد فالعمر.
· اللي ما تيخيط كساتو, يطيب غذاتو, يحلب شاتو عزيه فحياتو.
· المعروض فنهارو, يبقى فدارو.
· الهضرة عليك أ لحادر عينيك.
· إلى مات البو توسد الركبة, الى مات الأم توسد العتبة.
· إلى طلقتي المرا, ما توريها دار باها.
· الطلاب يطلب و مرتو تصدق.
· العمى و العميات و ظفار الجنيات, الأولى تصوت, و الثانية تلوط, و الثالثة تضرب البوط.
|
|
· اللي قال ليك العرس ساهل يسقي لو غير الما.
· حتى كلب ما تيهرب من دار العرس.
· مي, أجي نوريك دار خوالي.
· اللي خلى غذاتو لعشاتو, ما شفع ذاتو.
· الناس في الناس والقرع في مشيط الراس.
· إلى عطاك العاطي, ما تحرث ما تواطي حتى الجبال الطاطي.
· طاحت الصمعة, علقو الحجام.
· انا في همو كندادي وهو فتقلاع وتادي.
· عيبك أولية ربيه ليا.
· وريه وريه, و الى عما سير و خليه.
· اللي بغى لعسل يصبر لقريص النحل.
· السفيه تينطق غبر باللي فيه.
· اللي عضو الحنش, تيخاف من الحبل.
· النمل الى بغى يعذبو الله, تيدير ليه الجناح.
· اللي جا على المناول سدة, و اللي جا على الغذا تغذى.
· فالمقلة و تيحنزز.
· المندبة كبيرة و الميت فار.
· الدار دار بونا, وعبيد بانا اطردونا.
· اللي قال العصيدة باردة, ادير يدو فيها.
· مكلسني كلسة خوك و حاسبني حساب عدوك.
· عيات موت الحمق ما تعض فشاربها, قاليها من جهتي غير قطعيه.
· علاش عطيتي ميتين يعطي لباك كيتين, لا خد حمر لا سوالف ملوية.
النكت والأمثال |
تقاطعات: 211
| أضاف: samir zaza
| التاريخ: 2013-05-01
|
|
الهضرة للسارية و المعنى للجارية.
· قلب البرمة على فمها, تطلع البنت لمها.
· الله يرحم من زار و خفف.
· الي وصل بلاد غير بلادو خل الهم لولادو.
· كون كان الخوخ تايداوي كون داوى راسو.
· الفقيه دحمان, قرا البرة سبع ايام, و قاليهم الخط عيان.
· مية تخميمة و تخميمة ولا ضربة بمقص.
· الحر بالغمزة و العبد بالدبزة.
· اللي ما جا بالمحبة مايجي بحزارة.
· ضربني و بكى, سبقني و شكى.
· الدجاجة غسلات رجليها نسات ماداز عليها.
· إلى مشى الزين ابقاو حروفو.
· اللي دارها بديه افكها بسنيه.
· اللي ماقدو الفيل, زيدوه فيلة.
· ما تيحس بالمزود غير اللي مضروب به.
· لا ديالي بقا ولا وجهي تنقى.
· جا ايعاونو فقبر باه, هرب لو بالفاس.
· شوف بيتو, وخطب بنتو.
· جا اطبو عماه.
· اللي بغا يدفع البلا يتوضأ للصلا.
· هاك و ارا, ما فيها حزارة.
· ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.
النكت والأمثال |
تقاطعات: 217
| أضاف: samir zaza
| التاريخ: 2013-05-01
|
|
التلميذ الفاشل...
انسان يمكنه أن يكون الأول و الأنجح لولا وجود الآخرين
الصحفي...........
رجل يبرهن عن اكتساب رزقه من التدخل في شؤون الآخرين
المحامي..........
رجل وضعته العدالة و القانون ليمتص عرق الآخرين
طبيب الأسنان...
رجل ينتزع لقمته من أفــــــــواه الآخرين
القاضي...........
رجل حكم مبارة يتفكه من صراعات الآخرين
الطبيب...........
رجل لا يمكن أن يجد قوته الا اذا تألم الآخرين
لاعب الكرة :
إنسان فاشل دراسياً ولكنه محبوب من الجماهير ، يمتلك عدداً كبيراً من المعجبات ، يقضي النهار في العمل والعصر في النادي والليل في المقاهي ، يحبه الناس كلما أحرز الأهداف وحقق الانتصارات ، يتخلى عنه الجميع عندما يصاب أو يعتزل ..
الطالب المجتهد :
ولد قصير أبيض اللون ، يرتدي نظارة طبية ، يجلس في مقدمة الصف ، يحل الواجبات ويذاكر كل يوم ، لا يغشش أحداً في الامتحانات ، يشتكي دائماً من الأخطاء في الحل ومن صعوبة الأسئلة ، في النهاية يكون الوحيد الذي يحصل على العلامات النهائية !
طرائف |
تقاطعات: 230
| أضاف: samir zaza
| التاريخ: 2013-05-01
|
صور ممتعة |
تقاطعات: 228
| أضاف: samir zaza
| التاريخ: 2013-05-01
|
النكتة الاولى واحد سخي بزاف تحرقات ليه دارو
ملي جاو البومبية قال ليهم والله يما تحطو ايديكم فشي حاجة قبل ما تشربو القهوة
النكتة الثانية
واحـد السيد نسيبــتو دارت كسيدة ضرباتــها طومـوبــيل سولــوه : هــي دارت كسيدة وانت مال شـــلاقـــمك كـــحلين ؟ قــــال ليهم : شبـــعت بوســـان في الروايـــض
النكتة التالتة هذا وحد المش مبوق تابع واحد الفار، وهو يهرب ليه وطلع مع القادوس تخبى المش ساعة ساعتين ما نزلش ليه الفار شوية هو يفكر مزيان وقال: هاو هاو هاو هاو. الفار قال مع راسو: ما دام الكلب جا إذا المش هرب وملي نزل الفار لقى المش كيتسناه وكلاه وهو يقول المش مع راسو: الواحد في هاد البلاد إيلا ما كان عندو جوج لغات ما ياكلش طرف الخبز *****************
فكاهة |
تقاطعات: 215
| أضاف: samir zaza
| التاريخ: 2013-05-01
|
هذا واحد مول الطاكسي مبوق مزيان غادي فالمدينة او هي تشير عليه واحد المرآ هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش ............................ قليك هدا واحد المعلم سول واحد التلميد قاليه اش بغيتي تكون فاش تكبر قاليه التلميد بغيت نكون ولد الحرام!!!!!!جالمعلم قاليه علاش اولديقاليه التلميد حيت بابا فاش كيشوف شي حد عندو طونوبيل واعرة كايقوليه ولد الحرآآآآآآم ............................ هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.ناضوا كاملين إلا واحد. سولوه: نتا ما كاتخافش من مرتك؟قال ليهوم: راه قالت لي سير للقهوة وما تحركش حتى نج ............................ هادا واحد غير دخل الامتحان ديال الباكالوريا و دغية خرج. قالو ليه: مالك خرجتي دغية؟قال ليهوم: قال ليا الوالد جي نتا اللول ............................ راجل معقول كان غادي وطاح ف حفرة ناض منها وشاف قدامو وهي تبان ليه حفرة أخرى وقال: أوووف هنطيح عوتاني ............................ واحد الدري مدة هادي ماشاف واحد صاحبو قال والله حتا نمشي نسول عليهمشا لدار ديالهم دق دق خرجات مو... سولها قالت ليه اولدي من داك النهار سخرناه يجيب اللحم مارجاعشقال ليها و شنو درتو؟؟ قالت ليه الدجاج............................ - هادو ثلاثة الدراري مشاو السينما 1-عمي 2-اصم 3-احولقال العمي: انا سمعت الفلم لكن ما شفتوشقال الاصم:انا شفت الفلم ولكن ما سمعتوش... واش قال الاحول: انا احسن منكم شفت الفيلم جوج مرات ............................
فكاهة |
تقاطعات: 237
| أضاف: samir zaza
| التاريخ: 2013-05-01
|
|
واحد عزي لابس لكحل وراكب مرسيدس بيضا وقف علا وحدة قال ليها كيجيتك…قالت ليه كيكوكا فالثلاجة
............................
فكاهة |
تقاطعات: 230
| أضاف: zaza samir
| التاريخ: 2013-05-01
|
|
|
